Новости
Kanonizacija_Rakotinski_001
Претседателот Иванов на церемонија на канонизација на архимандритот Јоаникиј Ракотински
Недела, 24 Септември 2017
Brakja_Manaki_01
Средба со директорот на Интернационалниот фестивал на филмска камера „Браќа Манаки“
Вторник, 12 Септември 2017
zname0
Претседателот Иванов: Чувањето на независноста е наша обврска - церемонија на свечено менување на државното знаме
Четврток, 07 Септември 2017

Претседателот на Република Македонија, д-р Ѓорге Иванов, денеска присуствуваше на церемонијата на свечено менување на државното знаме на Република Македонија.

На церемонијата што се одржа на платото во Кабинетот на Претседателот присуствуваа ученици од ООУ "Тихомир Милошевски" од Ново Село, Скопје, од ООУ "Александар Здравковски" од Јегуновце и од ООУ "Ѓорѓија Пулевски" од општина Аеродром.

Во пресрет на 8 септември - Денот на независноста на Република Македонија, претседателот Иванов им се обрати на присутните и им го честиташе утрешниот празник.

- Пред 26 години, на 8 септември го остваривме нашиот вековeн стремеж за слободна и независна македонска држава. 26 години вложуваме во нашата татковина, во безбедноста и сигурноста на нашите граѓани. Ја негуваме традицијата на соживот и на почитување на различностите. Чувањето на независноста е наша обврска, без оглед што носи времето. Успеавме да поминеме многу предизвици, и ќе има многу предизвици. Но и нив само сплотени ќе ги надминеме, порача претседателот Иванов.

zname1За иднината на нашите поколенија, додаде македонскиот претседател, мора да ја направиме Македонија економски силна, напредна и успешна држава. - Македонија членка на ЕУ и НАТО. Држава во која младите ќе можат да ги реализираат своите стремежи и да ги остварат своите соништа. Држава во која младите ќе можат да добијат квалитетно образование, работа и услови да формираат семејства и да имаат потомство, рече претседателот Иванов.

- Заедно да носиме нови знаења, нови технологии и нови инвестиции во Македонија, да отвораме нови пазари за македонските производи,за повеќе работни места и поквалитетен живот во Македонија, истакна претседателот Иванов и порача дека тоа може да го оствариме само со единство и одговорен пристап од сите, на кое најгласно не потсетува утрешниот голем ден.

Промената на државното знаме на Република Македонија пред Кабинетот на Претседателот на традиционален начин го изврши гардиската единица на Армијата на Република Македонија.

Манифестацијата на промена на државното знаме е со цел подигнување на чувството и почитта кон знамето на Република Македонија како репрезент и симбол на државноста на нашата земја.

zname2

Mladi_lideri_PRM_web
Претседателот Иванов: Лидер е оној што предводи, што создава тимови и нуди решенија
Среда, 06 Септември 2017

Лидер е оној што предводи, што создава тимови и нуди решенија. Во зависност од тоа колку ве следат, толку е вашата моќ да бидете лидери. Има многу луѓе, кои имале многу идеи, но немале следбеници. Тие што создаваат проекти и визии и кои ги следат, тие се предводници, тоа се лидери, им порача претседателот на Република Македонија, Ѓорге  Иванов на учесниците 12 . Економскиот форум на млади лидери во Нови Сач, Полска, каде говореше како специјален гостин.

-Не барајте изговор дека вашето време допрва доаѓа, вашето време е сега. Сето ваше знаење и искуство што го имате треба да биде применето, бидејќи вашата генерација,  со животот на преминот од еден во друг милениум, создаде кај вас поединци кои се многу поинвентивни и покреативни од сите претходни генерации, рече македонскиот претседател во обраќањето пред младите лидери.

Во овој период на доминација на стравот друга идеја која може да ги мобилизира луѓето е идејата за надежта, рече Иванов, додавајќи  дека  надежта доаѓа од оние кои ја гледаат иднината од аспект на сегашноста. Така што вие не сте генерација на иднината, вие сте генерација на сегашноста, порача шефот на државата.

Напредок во технолошките иновации, растечката демографија, незапирливите миграции, рапидната урбанизација, климатските промени, посочи претседателот Иванов се дел од големите промени предизвиците со кои ќе се соочуваат младите, а најголемиот предизвик за тн. милениумците е преносот на идеите и вредностите од минатото.

- За разлика од претходните генерации, вие одбивате слепо да им верувате на авторитетите. Тоа е прв услов за критичко размислување. Вие не сте заложници на стереотипите и предрасудите на постарите генерации, рече македонскиот претседател.

Восхитен сум од вашата самодоверба, храброст и подготвеност да бидете социјално активни за бројни прашања, за кои претходните генерации не сакале да ги искажат своите ставови,  додаде македонскиот претседател. Но, глобализацијата доведе да се создаде генерација која е онлајн со виртуелниот свет, но офлајн со реалниот свет.  Затоа,  ве охрабрувам да го канализирате уникатниот потенцијал на вашата генерација за достигнување на трајните вредности, наместо минливите виртуелни илузии, порача претседателот Иванов. Mladi_lideri_PRM_web2

На прашањето што би направил тој да е на нивно место, претседателот Иванов ја посочи Школата за млади лидери, како негова лична иницијатива и инвестиција во образованието на младите.

- Пред неколку дена заврши осмата генерација на Школата. Во таа Школа досега поминаа и се стекнаа со лидерски вештини и знаења околу 320 млади луѓе од Македонија. Тоа е мојот влог во иднината,  истакна претседателот Иванов.

Како специјален гостин на Економскиот форум на млади лидери што се одржува по 12 пат, ќе се обрати и полскиот  премиер, г-ѓа  Беата Шидло.

Претседателот Иванов, вчера во Крињица-Здруј, учествуваше и се обрати на 27. Економски форум, и оствари билатерална средба со претседателот на Република Полска, Анджеј Дуда.

PRM_Duda_1
Иванов-Дуда: Интеграцијата во ЕУ и НАТО е основен приоритет на Македонија, реафирмирана полската поддршка
Вторник, 05 Септември 2017

Претседателот на Република Македонија, д-р Ѓорге Иванов, во рамки на работната посета на Република Полска, во Крињица-Здруј оствари средба со претседателот на Република Полска, г. Анджеј Дуда.

На средбата двајцата соговорници разменија мислења за севкупните билатерални односи меѓу Република Македонија и Република Полска, при што беше оценето дека двете земји имаат одлични политички односи и соработка во бројни области. Во таа насока, претседателот Иванов оцени дека одбележувањето на 25 годишнината од воспоставувањето на билатералните односи меѓу Република Македонија и Република Полска во 2018 година ќе биде добра можност за подигнување на нивото на соработка, вклучително преку реализација на официјална средба, како и реализација на бизнис-форум на кој ќе бидат разгледани можностите за интензивирање на економската соработка и зголемување на трговската размена.

Претседателот Иванов и Претседателот Дуда разменија мислења за европските и евроатлантските перспективи на регионот. Во тој контекст, македонскиот претседател изрази очекување Република Полска да помогне во деблокирањето на евроинтегративниот процес на Република Македонија.

Интеграцијата во Европската Унија и во НАТО останува основен надворешно - политички приоритет на Република Македонија. Отворањето на пристапните преговори со Европската унија ќе даде силен импулс за натамошна трансформација на македонското општество и ќе биде најдобар одговор пред предизвиците со кои се соочува земјата. Како одговорен член на меѓународната заедница и земја кандидат за членство во НАТО, Република Македонија веќе се однесува како de facto член на НАТО, давајќи активен придонес во мировните операции на Алијансата. Членството на Република Македонија во Алијансата е одамна заслужено, посочи претседателот Иванов на средбата.

Полскиот претседател Дуда нагласи дека Република Полска секогаш ги поддржува европските и евроатлантските апсирации на Република Македонија.

На средбата претседателот Иванов истакна дека Република Македонија исклучително ја цени поддршката што земјите од Вишеградската група ја дава за земјата во рамки на институциите на Европската Унија.

Претседателот Иванов изрази благодарност за помошта од Република Полска во менаџирањето на мигрантската и бегалска криза и за понудената помош во справувањето со последиците со поплавите во скопскиот регион во 2016 година.Македонскиот претседател го реафирмираше интересот за развој на соработката во одбраната.

На средбата беа разменети мислења за можностите за соработка по повеќе сфери од заеднички интерес.

PRM_Duda_4

Polska_PRM_web1
Претседателот Иванов: ЕУ да го сфати 21 век и да го интегрира Балканот
Вторник, 05 Септември 2017

Европа да го сфати 21 век и да ги вклучи земјите кои се уште се во чекалната за да можеме заедно да настапуваме како континент, а не како Европска унија, порача претседателот на Република Македонија, Ѓорге Иванов на отворањето на 27. Економски форум, што се одржува во полскиот град Крињица - Здруј, говорејќи на тема „Незавршена интеграција – аспирации на европските земји".

Поради двојните стандарди, посочи Претседателот Иванов, на Македонија ѝ се скратува  правото на просперитет.

- Македонија е единствен пример на земја кандидат за ЕУ од која се бара нешто што не е побарано од никој досегашен кандидат. Се ускратува правото на човечко достоинство и правото на самоидентификација. Да го користите името кое самите сте го одбрале и сите ве именуваат. Но, тоа е билатерално прашање и проблемот е што ЕУ дозволува да една членка ја злоупотребува Унијата, да блокира просперитет  на нас, а и на целиот регион, рече претседателот Иванов, додавајќи дека  најголемиот дел од населението во Македонија сака да биде во ЕУ и покрај тоа што се случува во Унијата.

- Европа нема да исчезне, но ќе стане безначајна ако не се прилагоди на предизвиците од 21 век, истакна претседателот Иванов, потенцирајќи ја потребата од интеграција со цел заеднички да се решаваат проблемите на европскиот континент, кои државите не можат индивидуално да ги решат.

Македонија сака да биде дел од таа Европа на 21.век, а не Европа на 20.век кога членки на ЕУ го злоупотребуваат своето членство да ги блокираат процесите на интегрирање на целиот регион во еден отворен простор кој би носел мир и просперитет, порача македонскиот претседател.

Европската Унија за жал се уште не е Европа, потенцираше претседателот Иванов, додавајќи дека кога сите земји од Балканот ќе станат дел од ЕУ, тогаш ЕУ ќе може да зборува во името на целиот континент.

Зборувајќи за мигрантската криза и придонесот на нашата земја, претседателот Иванов посочи дека Македонија и денес ја држи затворена Балканската рута и изрази благодарност до Полска и до земјите од Вишеградската група за поддршката нивната полиција во справување со илегалната миграција.

- Се покажа дека Македонија иако е мала земја, може да биде од интерес за ЕУ. Во 2015 година кога ЕУ беше неподготвена за бранот мигранти, Македонија не чекаше директиви од Брисел,туку сама носеше одлуки и ги спроведуваше. Тогаш Македонија беше можеби најсуверена земја на континентот, бидејќи сама одлучи да го регулира прво протокот на мигранти, да ги одвои економските мигранти од бегалците, да направи разлика помеѓу хуманитарниот аспект на мигрантската криза и помошта што им е неопходна на бегалците од војните од Блискиот Исток, но и да ги селектира економските мигранти, кои го користеа бегалскиот бран да најдат подобар живот во ЕУ,  рече претседателот Иванов.

Во однос на бранот на мигранти и растечката исламофобија во Европа, Иванов посочи дека македонското искуство може да послужи како решение кое ќе биде од корист за многу европски земји.

- Во ЕУ владее исламофобија,  но ние  имаме шест века искуство со исламот и тие искуства можат да бидат од корист за земјите кои примија мигранти, кои се со исламска вероисповест. Тие луѓе не го бараат европскиот концепт на толеранција, туку бараат почит, бараат внимание, бараат да бидат интегрирани, а не асимилирани. Во овој брз свет мора да се има трпение, мора да се сослуша другиот, да се почитува неговата различност и да биде вклучен а не исклучен, рече претседателот Иванов.

Европа поучена од 2015 година,  мора превентивно да делува и да ги вклучат земјите кои не се членки на Унијата но се земји на европскиот континент.  Неопходно на Балканот да му се овозможи да има европска перспектива и да ги почувствува благодетите на ЕУ.

Како влијателна членка на ЕУ, претседателот Иванов истакна дека очекува силна поддршка од Полска за целосна интеграција на Западниот Балкан во ЕУ.

На официјалното отворање покрај македонскиот претседател, се обрати и грузискиот претседател Гиорги Маргвелашвили, како и претседателот на Полска Анджеј Дуда.

Претседателот Дуда порача дека Полска ќе биде адвокат на интеграцијата на земјите кандидати во ЕУ. Тој смета дека најголема грешка ќе биде ако се затворат вратите на Европската Унија и оцени дека проширувањето носи додадена вредност на ЕУ.

На Економскиот форум во Крињица насловен како „Проект Европа – кој е рецептот за следната деценија?", присуствуваат над 3.000 учесници од повеќе од шеесетина земји од Европа и светот.

Polska_PRM_web2

 
Почеток < Пред 1 2 3 4 5 6 7 8 9 10 Следно > Крај
Страница 9 од 180